बलिउड अभिनेत्री कंगना रनावत र फिल्मकर्मी जावेद अख्तरबीच पछिल्लो ५ वर्षदेखि चलिरहेको मानहानि केस शुक्रबार सकिएको छ।
अभिनेत्री कंगनाले मुम्बईको बान्द्रा कोर्टमा आफ्नो बयान भनेकी छन्, 'मेरो कारण उहाँ (जावेद) लाई भएको असुविधाप्रति माफी माग्छु।'
भारतीय सञ्चारमाध्यम दैनिक भास्करका अनुसार जावेदले कंगनाविरूद्ध २०२० मा मानहानिको केस दर्ता गरेका थिए।
कंगनाले इन्स्टाग्राममा एक स्टोरी सेयर गर्दै लेखेकी छन्, 'आज मैले र जावेद जीले मानहानि केस सुल्झाएका छौं। जावेद जी निकै राम्रो मान्छे हो र उहाँले मेरो आगामी फिल्मको लागि गीत पनि लेख्नु भएको छ।'
सन् २०२० मा कंगना रनावतले सुशान्त सिंह रावपूतको मुत्युपछि एक टेलिभिजन च्यानलको अन्तर्वार्तामा महेश भट्ट, करण जोहर र जावेद अख्तरको कारणले आत्महत्या गरेको बताएकी थिइन्। कंगनाको बयान आएपछि जावेद अख्तरले मानहानिको केस दर्ता गरेका थिए।
