नितेश तिवारीको फिल्म 'रामायण' लामो समयदेखि चर्चामा छ।
फिल्ममा अभिनेता रणवीर कपूर रामको भूमिकामा देखिनेछन् भने साई पल्लवी सीताको। फिल्ममा रावणको भूमिकामा 'केजिएफ' अभिनेता यश देखिनेछन्।
हालै यशले आफ्नो भूमिका बारे खुलेर कुराकानी गरेका छन्। 'मेरो लागि रावण भूमिका खास छ। मैले यो फिल्म कोही अरूको कारण गरेको होइन। यदी कसैले मलाई रावणको भूमिका बाहेक अन्य भूमिका गर भनेको भए अस्वीकार गर्थे। रावण भूमिका धेरै तरिकाबाट निर्वाह गर्न सकिन्छ,' उनले भने।
निर्देशक नितेश, मधु मन्टेना, नमित मल्होत्रा र अल्लू अरविन्दको लगानी रहने फिल्म तीन भागमा बन्ने बताइएको छ। पहिलो भागमा राम र सीताको कहानी समावेश गरिनेछ। फिल्ममा रणवीर कपूर, सई पल्लवी, यशसँगै सनी देओल, बबी देओल, विजय सेतुपति, रवि दुवेलगायत थुप्रै कलाकारको अभिनय रहनेछ।
प्यान इन्डियाको फिल्म सन् २०२५ प्रदर्शन हुनेछ।
