हालै बलिउड अभिनेता जुनैद खान र अभिनेत्री खुशी कपूर फिल्म 'लवयापा' प्रदर्शन भयो।
अभिनेता आमिर खानले छोरा जुनैदको फिल्मको प्रमोशन गरेका थिए। तर फिल्मले बक्स अफिसमा राम्रो कमाइ गर्न सकेन। अब आमिरले फिल्मको बारेमा कुराकानी गरेका छन्।
'यो फिल्म नचल्नु दुर्भाग्य हो। मलाई धेरै दुःख लाग्यो। फिल्ममा जुनैद र खुशी दुवैको प्रस्तुति राम्रो थियो। म आफ्नो प्रोजेक्ट्सभन्दा लवयापालाई लिएर चिन्तित छु,' उनले भने।
आमिरका अनुसार जुनैद आफ्नो आगामी फिल्मको तयारीमा छन्। यस फिल्ममा उनी दक्षिण भारतीय अभिनेत्री साई पल्लवीसँग देखिनेछन्। यो एक लभ स्टोरी फिल्म हुनेछ।
