बलिउड अभिनेत्री कंगना रनावत अभिनीत फिल्म 'इमरजेन्सी' ओटिटी प्लेटर्फममा रिलिज हुने भएको छ।
अभिनेत्री कंगना स्वयंले यस कुराको जानकारी दिएकी हुन्। उनले इन्स्टाग्राम स्टोरीमा फिल्म इमरजेन्सी र पूर्व प्रधानमन्त्री इन्दिरा गान्धीको तस्बिर सेयर गरेकी छन्। क्याप्सनमा उनले लेखेकी छन्, 'फिल्म इमरजेन्सी १७ मार्चमा ओटिटी प्लेटफर्म नेटफ्लिक्समा स्ट्रीम हुनेछ।'
पूर्व प्रधानमन्त्री इन्दिरा गान्धीमा आधारित फिल्म इमरजेन्सी १७ जनवरीदेखि हलमा रिलिज भएको थियो। फिल्मले भारतीय बक्स अफिसमा औसत कमाइ गरेको थियो।
प्रधानमन्त्री गान्धीले देशमा 'इमरजेन्सी' घोषणा गरेको समयलाई फिल्ममा प्रस्तुत गरिएको छ। उनले सन् १९७५ जुन २५ देखि १९७७ मार्च २१ सम्म आपतकालीन समय घोषणा गरेकी थिइन्। फिल्मलाई कंगनाले आफैले निर्देशन गरेकी हुन्।
फिल्ममा कंगनासँगै श्रेयस तलपडे, अनुपम खेर, मिलिन्द सोमन, महिमा चौधरी, सतीश कौशिकलगायत कलाकारको अभिनय छ।
