भारतको सर्वाेच्च अदालतले सोमबार अश्लील कमेन्ट मामिलामा कमेडियन रणवीर अल्लाहबादियाको अपिलमा सुनवाई गरेको छ।
अदालतले उनलाई गिरफ्तारीबाट राहत दिएको छ। तर अदालतले उनीसँग थुप्रै प्रश्न सोधेको छ।
अदालतका महान्यायाधिवक्ताले भने, 'यस्तो युट्युबको मामिला हाम्रो सामू आएको छ। केन्द्र सरकार केही गर्न चाहन्छ। यदी उनीहरूले केही गर्याे भने ठिकै हो नत्र हामी यहाँ ग्याप छोड्न सक्दैनौं। कथित युट्युब च्यानलको दुरूपयोग गरिरहेको छौं। त्यसैले हामीले नोटिस जारी गरेका हौं। हामी यस मामिलामा संवेदनशीलताको बेवास्ता गर्न सक्दैनौं। तपाईहरू कुन तरिकाको भाषाको बचाउ गर्नुहुन्छ। यदी यो अश्लीलता होइन भने फेरि अश्लीलता के हो? तपाईहरूको शोको नियम के हो?'
रणवीर अल्लाहबादियामाथि समय रैनाको शो 'इन्डियाज गट लेटेन्ट' मा अभिभावकमाथि अश्लील कमेन्ट गरेको आरोप लागेको थियो। यसपछि उनीविरूद्ध महाराष्ट्र लगायत थुप्रै ठाउँमा उजुरी दर्ता भएको थियो।
