भारतीय फिल्म क्षेत्रमा लामो समयसम्म अभिनेत्रीहरूलाई अभिनेताको तुलनामा कम पारिश्रमिक दिइन्थ्यो।
अभिनेत्री श्रीदेवीले यस सोचलाई परिवर्तन गरेर नयाँ इतिहास बनाएकी थिइन्। उनी १ करोड कमाउने पहिलो भारतकी अभिनेत्री बनेकी थिइन्।
उनले सन् १९९३ मा रिलिज भएको फिल्म 'रूपकी रानी चारोंका राजा' को लागि १ करोड भारू पारिश्रमिक लिएकी थिइन्। त्यतिबेला शाहरूख खान र सलमान खान जस्ता अभिनेता ५०/७५ लाख भारू कमाउँथे।
८० र ९० को दशकमा श्रीदेवीको स्टारडम कुनै ठूलो अभिनेताभन्दा कम थिएन। उनी एक्लै फिल्म चलाउने दम राख्थिइन्। 'चान्दनी, चालबाज र खुदा गवाह' जस्ता फिल्मको सफलताले उनलाई सबैभन्दा बढी माग हुने अभिनेत्री बनाएको थियो। जसको कारण उनलाई निर्माताहरू १ करोड भारू दिन तयार हुन्थे।
