अभिनेत्री श्रुति हासनले तेलुगु, तमिल र हिन्दी फिल्ममा काम गरेपछि हलिउडमा डेब्यू गर्दैछिन्।
उनले 'द आई' बाट हलिउड फिल्ममा डेब्यू गर्न लागेकी हुन्। हालै उनले आफ्नो ३९ औं जन्मदिन मनाएकी थिइन्। उनको जन्मदिनको अवसर पारेर फिल्मको फर्स्ट लुक सार्वजनिक गरिएको छ।
फिल्मको पोस्टर सार्वजनिक गर्दै निर्देशक डैफने श्मोनले आफ्नो आधिकारिक इन्स्टाग्राममा लेखेका छन्, 'जन्मदिनको शुभकामना! स्टनिङ र ब्रेव श्रुति हासन, हाम्री डायना। लन्डन, ग्रीस, अमेरिका र भारतबाट सबै तपाईलाई माया गर्नुहुन्छ। यस विशेष दिन सधैं तपाईसँग सेलिब्रेट गर्न चाहन्छौं।'
श्रुति हासनले पोस्टमा कमेन्ट गर्दै निर्देशकलाई धन्यवाद व्यक्त गरेकी छन्।
साइकोलोजिकल थ्रिलर फिल्ममा मार्क रोली, लिन्डा मार्लाे, पेरू कैवलियरीलगायत कलाकारको मुख्य भूमिका छ।
श्रुति आगामी फिल्म 'कुली' मा देखिनेछिन्। यस फिल्मलाई लोकेश कनगराजले निर्देशन गरेका हुन्। फिल्ममा रजनीकान्त, नागार्जुन, सौबिन शाहिर, उपेन्द्र, सत्यराज, रेबा मोनिका जोन र जुनियर एमजीआरको मुख्य भूमिका छ।
