'लाल सिंह चड्ढा' पछि दर्शक आमिर खानको आगामी फिल्म 'सितारे जमीन पर' रिलिजको पर्खाइमा छन्।
हालै उनले आफ्नो आगामी फिल्मको रिलिज डेटको बारेमा खुलासा गरेका छन्। यो फिल्म क्रिसमसको अवसर पारेर रिलिज हुनेछ।
'लिड अभिनेताको रूपमा मेरो आगामी फिल्म सितारे जमीन पर हो। यो फिल्मलाई हामी क्रिसमसको अवसर पारेर रिलिज गर्ने प्रयासमा छौं। यो एउटा मनोरञ्जनात्मक फिल्म हो। मलाई यस फिल्मको कहानी मन पर्यो। फिल्मको छायांकन सुरू भइसकेको छ,' उनले भने।
'सितारे जमीन पर' ईशानको जीवन यात्राको कहानी हो। यस फिल्ममा आमिर अभिनयसँगै निर्माता पनि हुन्। यसमा जेनेलिया डिसूजा पनि देखिने छिन्।
क्रिसमसमा आलिया भट्ट अभिनीत फिल्म 'अल्फा' पनि रिलिज हुँदैछ। शिव रवाली निर्देशित फिल्ममा आलिया भट्ट, शरवरी, अनिल कपूर, बबी देओल लगायत कलाकारको अभिनय रहनेछ।
