नेल्सन दिलीपकुमारको निर्देशनमा 'जेलर २' बन्ने भएको छ।
मंगलबार सन टिभी युट्युब च्यानलमार्फत टिजर सार्वजनिक गर्दै फिल्मको निर्माण घोषणा गरिएको हो। सार्वजनिक टिजरमा रजनीकान्त, निर्माता तथा निर्देशक नेल्सन दिलीपकुमार र संगीतका अनिरूद्ध रविचन्दर देखिएका छन्।
यो सन् २०२३ मा आएको 'जेलर' को सिक्वेल हो। यसमा मोहनलाल र शिवराज कुमारको विशेष भूमिका हुनेछ।
फिल्मको पहिलो भागमा रजनीकान्त बाहेक विनायकन, राम्या कृष्णन, तमन्ना भाटिया, वसन्त रवि, मिरना मेनन र योगी बाबु देखिएका थिए।
१० अगस्तमा प्रदर्शन गरिएको फिल्म 'जेलर' ले ३४३ करोड ७२ लाख भारू कमाएको थियो।
