बलिउड अभिनेता वरूण धवनले नयाँ अपार्टमेन्ट किनेका छन्।
भारतीय सञ्चारमाध्यम दैनिक जागरणका अनुसार उनले जुहूस्थित एक अपार्टमेन्ट किनेका हुन्। उक्त अपार्टमेन्ट ३१ मेसम्म तयार हुनेछ। जहाँ उनी आफ्नी श्रीमती नताशा दलाल र छोरीसँग बस्ने तयारीमा छन्।
वरूण र नताशाको अपार्टमेन्टको मूल्य ४४ करोड ५२ लाख भारू बताइएको छ। ५,११२ स्क्वायर फिटमा फैलिएको अपार्टमेन्टमा ४ वटा कार पार्किङ छ। वरूणले ३ डिसेम्बरमै आफ्नो अपार्टमेन्टको रजिस्ट्रेशन पूरा गरेका थिए। तर यस विषयमा वरूण र नताशाले कुनै प्रतिक्रिया दिएका छैनन्।
वरूण अहिलेसम्म आफ्नी श्रीमतीसँग जुहूस्थित एक अपार्टमेन्टमा बस्दै आएका थिए। जसलाई उनले सन् २०१७ मा किनेका थिए।
उनी पछिल्लो समय फिल्म 'बेबी जोन' मा देखिएका थिए।
