जयदीप अहलावत अभिनीत वेब सिरिज 'पाताल लोक २' को ट्रेलर सार्वजनिक भएको छ।
सोमबार प्राइम भिडिओ इन्डिया युट्युब च्यानलमार्फत सिरिजको ट्रेलर सार्वजनिक गरिएको हो। सार्वजनिक ट्रेलर क्राइम, थ्रिलर र सस्पेन्सले भरपूर छ।
पाताल लोकमा जयदीप अहलावतले हाथीराम चौधरीको भूमिका निर्वाह गरेका छन्।
अमेजोन प्राइमले अभिनेत्री अनुष्का शर्मासँग मिलेर निर्माण गरेको 'पाताल लोक २' मा जयदीपसँगै इश्वाक सिंह, गुल पनाग, नागेश कुकुनूर, तिलोत्तम शोमलगायत कलाकारको अभिनय छ। यसलाई अविनाश अरूणले निर्देशन गरेका हुन्।
यो सिरिज १७ जनावरीमा रिलिज हुनेछ। यसलाई ओटिटी प्लेटफर्म प्राइम भिडिओमा देख्न सकिन्छ।
