दक्षिण भारतीय अभिनेता अल्लू अर्जुन र अभिनेत्री रश्मिका मन्दनाको फिल्म 'पुष्पा २' चर्चामा छ।
यस फिल्मको पहिलो पार्टमा अभिनेत्री सामन्था रूथ प्रभुले आइटम डान्स गरेकी थिइन्। दोस्रो पार्टमा अभिनेत्री श्रद्धा कपूरलाई आइटम डान्स अफर गरिएको थियो। तर उनले अस्वीकार गरेकी छन्। अब 'पुष्पा २' को आइटम गीतमा अभिनेत्री श्रीलीला देखिने भएकी छन्।
हालै सेटबाट एक तस्बिर बाहिरिएको छ। जसमा उनी अल्लू अर्जुनसँग देखिएकी छन्।
सुकुमार निर्देशित फिल्ममा अल्लू अर्जुन र रश्मिका मन्दनाको मुख्य भूमिका रहनेछ। फिल्मलाई माइथ्री मूभी मेकर्सको प्रोडक्सन हाउसले रिलिज गर्नेछ।
यो फिल्म ५ डिसेम्बरदेखि प्रदर्शन हुनेछ।
