बलिउड अभिनेत्री आलिया भट्टको स्पाई थ्रिलर फिल्म 'अल्फा' को प्रदर्शन मिति घोषणा भएको छ।
शुक्रबार एक पोस्ट सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म सन् २०२५ डिसेम्बर २५ देखि प्रदर्शन हुनेछ।
यशराज ब्यानरबाट बनेको फिल्म आलिया भट्टको पहिलो स्पाई थ्रिलर फिल्म हो। फिल्ममा उनीसँगै शरवरी वाघको पनि मुख्य भूमिका रहनेछ।
आदित्य चोपडाले निर्माण गर्ने फिल्मलाई शिव रावलले निर्देशन गर्नेछन्। निर्माण टिमले अन्धेरीमा वाईआरएफ स्टूडियोमा एक महिना छायांकन गर्ने योजना बनाएका छन्।
फिल्ममा आलियाको एक्सन सिन हुनेछ। फिल्मको सेटबाट कुनै पनि सामाग्री नबाहिरियोस् भनेर आदित्यले कडा सुरक्षा व्यवस्था गरेका छन्।
हाल आलिया आफ्नो आगामी फिल्म 'जिगरा' को प्रमोशनमा व्यस्त छिन्। यो फिल्म ११ अक्टोबरदेखि फिल्म हलमा प्रदर्शन हुनेछ।
