फिल्म 'महाभोज' नेपाली ओटिटी प्लेटफर्म एमएसएम भिडिओमा रिलिज गरिएको छ।
सिनेमा हलमा रिलिज भएको दुई महिना नपुग्दै 'महाभोज' लाई ओटिटीमा रिलिज गरिएको हो। गत जेठ ३० गते सार्वजनिक प्रदर्शनमा आएको फिल्म अब संसारभरका दर्शकले घरमै बसेर एपमार्फत मोबाइल, टेलिभिजन तथा कम्पयुटरमा हेर्न सक्ने भएका छन्।
दिनेश राउतको निर्देशनमा बनेको 'महाभोज' नेपालको सहकारी घोटाला, राजनीतिक भ्रष्टाचार र साधारण नागरिकको न्याय खोजीमा आधारित सामाजिक–राजनीतिक ड्रामा हो। यसको कथामा एक बैंकका कर्मचारीले आफूलाई आवश्यक परेको पैसा आफ्ना पितासँग माग्दा थाहा पाउँछ कि बचत रकम सहकारीमा फसेको छ। त्यसपछि सो रकमको लागि उत्पन्न हुने संघर्ष, विद्रोह र सत्य खोजी नै कथाको मुख्य धारा हो।
'महाभोज' मा दयाहाङ राई, आर्यन सिग्देल, खगेन्द्र लामिछाने, अञ्जना बराइली, गौमाया गुरूङ, मलिका महत, वसुन्धरा भुसाल, मोहन निरौला, बुद्धि तामाङ, कमलमणि नेपाल, पुष्कर गुरुङ, विनोद न्यौपाने र आभा अर्याललगायत कलाकारहरूको अभिनय छ।
हिमाल कडरियाको निर्माण रहेको फिल्ममा विकास सुवेदीको लेखन छ।
-1746009348.jpg)
