शुक्रबारदेखि नयाँ फिल्म 'यो मन त मेरो नेपाली हो' प्रदर्शनमा आएको छ। यो असार लागेसँगै रिलिज भएको एकमात्र नेपाली फिल्म हो।
सामाजिक कथामा बनेको फिल्ममा विजय बराल, विल्सन विक्रम राई, बुद्धि तामाङ, रोशन श्रेष्ठ, आयुषा समाल, विजिता परियारलगायत कलाकारहरूको अभिनय छ।
नर प्रधान (मित्र) को कथा तथा निर्देशनमा बनेको फिल्मको निर्माता ज्ञान बहादुर प्रधान हुन्। फिल्मको पटकथा तथा संवाद शिवम अधिकारीले लेखेका हुन्।
'यो मन त मेरो नेपाली हो' ले अन्य देशहरूमा बसोबास गर्ने नेपालीहरूले आफ्नो देशप्रति गर्ने प्रेमको कथा भन्छ। आफ्नो संस्कृति र मातृभाषा जोगाउन पात्रहरूले गर्ने प्रयासको कथा यसमा देखाइएको छ।
फिल्मले मल्टिप्लेक्स हलमा शो भने न्यून पाएको छ। प्राप्त शोमा दर्शक अकुपेन्सी पनि न्यून छ। यो अवस्थामा फिल्मले व्यापारमा गति लिन 'वर्ड अफ माउथ' बलियो हुनुपर्ने देखिन्छ।
-1746009348.jpg)
