अभिनेत्री मिरूना मगरले फिल्म 'मैझारो' साइन गरेकी छन्। विल्सन विक्रम राई (तक्मेबुढा) को निर्देशनमा बन्ने यो फिल्ममा मिरूना मुख्य भूमिकाका लागि अनुबन्धित भएकी हुन्।
यसअघि यो फिल्ममा अभिनेता धिरज मगर अनुबन्धित भइसकेका छन्। फिल्ममा धिरज र मिरूनाबाहेक अन्य कलाकारहरूको भने टुंगो लागेको छैन। केही दिनमा नै अरू कलाकारहरूको टुंगो लगाउने विल्सनले बताए।
तक्मे प्रोडक्सनको ब्यानरमा निर्माण हुने यस फिल्मलाई निर्देशक विल्सनले नै लेखेका हुन्। उनको यो डेब्यु लेखन तथा निर्देशन हुनेछ।
सामाजिक कथावस्तुमा आधारित 'मैझारो' पूर्वी पहाडको जीवनशैली, संस्कृति र सामाजिक यथार्थमा निर्माण हुनेछ।
फिल्ममा अनमोल गुरूङ र तोरेम्पा हाङ राईको संगीत रहनेछ भने राजेश पायल राई लगायतको गायन रहनेछ।
साउनको पहिलो हप्ताबाट छायांकनमा जाने फिल्मलाई सौरभ लामाले खिच्नेछन्। इलाम र पाँचथरका रमणीय स्थानहरूमा फिल्मको छायांकन गर्ने तयारी छ।
-1746009348.jpg)
