फिल्म 'कुम्भ' को प्रदर्शन मिति तय भएको छ। म्युजिक भिडिओ निर्देशन र फिल्म छायांकनमा सक्रिय रन्धिर श्रेष्ठको लेखन तथा निर्देशनमा तयार यो फिल्म मंसिर १२ गतेदेखि देशभर रिलिजमा आउने भएको हो।
ए. रस प्रोडक्सन र ध्रुव एस्ट्रो वास्तु स्टुडिओको ब्यानरमा निर्माण भएको फिल्म नेपाली र हिन्दी भाषामा रिलिज हुने निर्माणपक्षले जनाएको छ।
एक्सन विधाको यो फिल्ममा अशोक आर्यन, सुनील थापा, सुशील पोखरेल, रोहित रूम्बा, सृष्टि खड्कालगायत कलाकारहरूको मुख्य भूमिका छ। फिल्ममा दक्षिण भारतीय कलाकार सुरेन्द्र ठाकुरको पनि अभिनय छ।
फिल्मको छायांकन पनि निर्देशक श्रेष्ठ स्वयंले गरेका छन्। द्वन्द्व निर्देशन सम्राट बस्नेतको छ भने निर्मातामा रन्धिर श्रेष्ठ, ध्रुवराज पराजुली र राजेश शाह छन्। ईश्वर बल्लभ उप्रेती कार्यकारी निर्माता रहेको फिल्मको सम्पादन सन्देश शाह र ध्रुवराज पराजुलीले गरेका छन्।
वितरण अधिकार श्री राम बालाजी फिल्म्सले लिएको छ।
-copy-1745411477.jpg)
-1746009348.jpg)
