जौन योञ्जन निर्देशित फिल्म 'आँखा' ले इटालीको प्रतिष्ठित २९ औं अन्तर्राष्ट्रिय पोलिस अवार्ड आर्टस् फेस्टिभल (आइपीएएएफ) मा उत्कृष्ट फिल्म र उत्कृष्ट अभिनेत्रीको विधामा अवार्ड जितेको छ।
निर्देशक योन्जनले आयोजकले इमेलसहित इभेन्टका लागि निम्तो दिएको जानकारी दिए। फिल्मकी मुख्य पात्र अभिनेत्री स्मिता लामिछाने उत्कृष्ट अभिनेत्रीको अवार्ड जित्दा गौरवान्वित भएको बताइन्।
उनले भनिन्, 'यो फिल्मका लागि म र हाम्रो टिमले गरेको कठिन मेहेनतको परिणाम मिलेको छ।'
आइपीएएएफको भव्य फेस्टिभलसहितको अवार्ड कार्यक्रम १४ सेप्टेम्बरमा इटालीको बिर्गामो सहरमा हुंदैछ। यसअघि नेपाल अन्तर्राष्ट्रिय फिल्म फेस्टिभल(निफ)मा नेसनल फिल्म प्रतिस्पर्धाको विधामा 'आँखा' उत्कृष्ट कथानकसहित तीनविधामा अवार्ड उचालेको थियो।
'आँखा' गतवर्ष असोज ११ गते रिलिज भएको थियो। नेपालमा आएको बाढी पहिरोले त्यसबेला फिल्मको रिलिजलाई असर परेको थियो। र, प्रदर्शन स्थगित गर्नुपरेको थियो।
फिल्मका निर्देशक योन्जनको अर्को फिल्म 'म राजेश हमाल' रिलिजको तयारीमा छ। यसमा पनि स्मिताको मुख्य अभिनय छ।
निर्दशक योन्जन 'पूर्ण बहादुरको सारंगी' निर्माण गरेको सेभेन सिज सिनेमाको नयाँ प्रस्तुति 'रोल नम्बर वान' को निर्देशन गर्दैछन्।
-copy-1745411477.jpg)
-1746009348.jpg)
