फिल्म 'हरिबहादुरको जुत्ता' को शुभमुहूर्त गरिएको छ।
सोमबार सरस्वती पूजा अवसर पारेर सूर्यविनायक मन्दिरमा स्क्रिप्ट र क्यामरा पूजा गर्दै फिल्मको औपचारिक छायांकन सुरूवात गरिएको हो। दीपेन्द्र के. खनालको निर्देशन रहने फिल्मको छायांकन काभ्रेमा गरिनेछ।
आयोजित मूहर्त समारोहमा कलाकारहरू हरिवंश आचार्य, प्रियंका कार्की, स्वस्तिमा खड्का, किरण केसी, निर्देशक दीपेन्द्र के. खनाल, निर्माता सरोज ओली र मोहितवंश आचार्य लगायत उपस्थित थिए।
यो फिल्ममा प्रकाश सपुत पनि मुख्य भूमिकामा रहनेछन्। फिल्मको कथा हरिवंश आचार्यको हो।
