अनमोल केसी र जसिता गुरूङ अभिनीत फिल्म 'फर्की फर्की' यो साता ओटिटी प्लेटफर्ममा रिलिज हुने भएको छ।
सिनेमा हलमा गत जेठमा प्रदर्शनमा आएको फिल्मलाई आउँदो शुक्रबार 'एमएसएम भिडिओ' एपमा रिलिज गर्न लागिएको निर्माता रोहित अधिकारीले बताए।
टाइम लुपको कथामा निर्मित यो लभस्टोरी फिल्मलाई सुयोग गुरूङले निर्देशन गरेका हुन्।
बक्स अफिसमा सुखद् व्यापार गरेको यो फिल्ममा अनमोल र जसिताका साथमा रवी काफ्ले, समृद्धि अर्याल लगायत कलाकारको अभिनय छ।
'एमएसएम भिडिओ' एपमा एकपछि अर्को फिल्म रिलिज भइरहेका छन्। यसमा यसअघि 'अगस्त्यः च्याप्टर वान' रिलिज भएको थियो। त्यसअघि 'बेहुली फ्रम मेघौली' रिलिज गरिएको थियो। यो प्लेटफर्ममा 'दिमाग खराब, महाजात्रा, घरज्वाइँ' लगायतका फिल्महरू पनि रिलिज भइसकेका छन्।
