दयाहाङ राई र आँचल शर्मा अभिनीत फिल्म 'दुःखी आत्मा' को प्रदर्शन मिति तय भएको छ।
यो फिल्म भ्यालेन्टाइन डेमा अर्थात फागुन २ गते रिलिज हुने भएको छ।
निर्माता कम्पनी क्लकवर्क क्रियसनले शुक्रबार एक पोस्टर सार्वजनिक गर्दै प्रदर्शन मिति घोषणा गरेको हो।
दीपेन्द्र लामाको लेखन तथा निर्देशन रहेको यो फिल्ममा दयाहाङ र आँचलसहित अनुपविक्रम शाही, बुद्धि तामाङ, रेअर राई लगायत कलाकारको अभिनय छ। दयाहाङ र आँचलको यो 'डिग्री माइला' पछिको सहकार्य हो।
'दुःखी आत्मा' को निर्माता हिमाल कडरिया हुन्। निर्देशक लामा र निर्माता कडरियाले यसअघि सहकार्य गरेको 'नांगो गाउँ' सफल भएको थियो।
फिल्मको कार्यकारी निर्माता सुदीप ढकाल हुन् भने डिओपी आलोक शुक्लाको छ। वितरणको जिम्मा आरआर फिल्मस्ले पाएको छ।
