महोत्तरीको गौशालामा आयोजित 'मुन्नी मिश्रि स्मृति भलिबल' को उपाधि शिवनगरले जितेको छ।
शनिबार भएको फाइनल खेलमा आयोजक सामुदायिक विकास युवा क्लबलाई पराजीत गर्दै शिवनगर विजयी भएको हो।
आयोजक सामुदायिक विकास युवा क्लबलाई २–३ सेटको अन्तरले शिवनगरले पराजीत गरेको छ।
बेस्ट ५ सेटको खेलको सुरूवातमा आयोजक सामुदायिक विकास युवा क्लब आक्रमक खेल प्रदर्शन गरे पनि अन्तिम दुई सेटको खेलामा शिवनगर हावी भएको थियो।
विजेता शिवनगरलाई नगद ११ हजार, शिल्ड, पदक र प्रमाण पत्र प्रमुख अतिथि पोषण थापा र विशिष्ट अतिथि प्रमोद महतोले संयुक्त रूपमा प्रदान गरेका थिए।
उपविजेता सामुदायिक विकास युवा क्लबले नगद ५ हजार, शिल्ड, पदक र प्रमाण पत्र प्राप्त गर्यो।
गौशालाको कान्तिबजारमा सामुदायिक विकास युवा क्लबले 'लागुऔषध दुर्व्यसन विरूद्ध हाम्रो प्रहार' नाराका साथ मुन्नी मिश्रि स्मृति भलिबल प्रतियोगिता आयोजना गरेको थियो।
शुक्रबारदेखि सुरू भएको भलिबल प्रतियोगितामा महोत्तरीका ८ टिम सहभागी थिए।
