माल्दिभ्समा सुरू साबा महिला बास्केटबल च्याम्पियनसिपमा नेपाल आफ्नो पहिलो खेलमा पराजित भएको छ।
नेपाल घरेलु टिम माल्दिभ्ससँग ५१-४७ अंकले पराजित भएको हो।
तीन वर्षपछि प्रतिस्पर्धामा उत्रिएको नेपाली महिला टिम माल्दिभ्ससँग पहिलो पटक पराजित भएको हो।
यसअघि सन् २०१९ मा नेपालमा आयोजना भएको सागमा नेपालले माल्दिभ्सलाई सेमिफाइनलमा पराजित गरेको थियो।
त्यतिबेला नेपालले माल्दिभ्सलाई ६८–५५ ले हराउँदै रजत पदक पक्का गरेको थियो।
सेप्टेम्बर २४ सम्म हुने प्रतियोगितामा अब नेपालले भुटान र श्रीलंकासँग खेल्नेछ।
श्रीलंकासँग भोलि मंगलबार र भुटानसँग बुधबार खेल हुनेछ।
