पिनाकल कलेजका अजितकुमार यादव पुरुषतर्फ र नेपाल पुलिस क्लबकी राजपुरा पछाईँले अखिल क्रान्तिकारीद्वारा आयोजन गरिएको काठमाडौं रोड रेस २०७९ मा उपाधि जितेका छन्।
५ किलोमिटको दौड अजितले १७ मिनट ४५.३ सेकेन्डका साथ र राजपुराले २० मिनट ३५.७५ सेकेन्डका साथ पूरा गरेका थिए। विजयी खेलाडीले नगद २५ हजार, सहित मेडल, ट्रफी र प्रमाण पत्र प्राप्त गरे।
संविधान दिवसको अवसरमा आयोजनामा भएको प्रतियोगितामा पुरुषतर्फ नेपाल पुलिस क्लबका सन्तोष विक्रम बिष्टले निर्धारित दूरी २० मिनट ३५.७५ सेकेन्डका साथ पुरा गर्दै दोश्रो भए। यस्तै १८ मिनट ६.१ सेकेन्डका साथ त्रिभुवन आर्मी क्लबका मोहन देव जोशी तेश्रो भए।
महिलातर्फ २० मिनट ५०.१५ सेकेन्डका साथ पुलिस क्लबकी राममाया बुढा दोश्रो र रेखा बिष्ट २१ मिनट ३.३५ सेकेन्डका साथ तेश्रो भए।
दोश्रो र तेश्रो हुने खेलाडीहरुले मेडल, ट्रफी र प्रमाण पत्रका साथ क्रमशः नगद २० हजार र १५ हजार प्राप्त गरे।
प्रतियोतिमा ३६५ पुरुष र ११२ जना महिला गरि कुल ४७७ जनाको सहभागिता रहेको थियो । रेस रङ्गशालाबाट सुरु गरि थापाथली, माईतीघर, बवरमहल, बिजुलीबजार पुल हुँदै एभरेष्ट होटलको अगाडीको डिभाईडर हुँदै पुन त्रिपुरेश्वर रङ्गशालामा आएर समापन भएको थियो।
