फेन्सिङ कन्फेडेरेसन अफ एशियाको रेफ्री परीक्षामा नेपालका तीन जना सहभागी हुने भएका छन्।
अगष्ट २३ देखि अगष्ट २५ सम्म मलेसियाको राजधानी क्वालालाम्पुरमा हुने रेफ्री परीक्षा मा सहभागी नेपाली रेफ्री आज मलेसिया को लागि प्रस्थान गरेका छन् l
काठमाडौंकी मिनु शर्मा कार्की, पोखराकी रेखमाया गुरुङ र पोखराकै सन्दिप बरालले उक्त परीक्षा दिन लागेका हुन्l रेखमाया हाल खेलको सिलसिलामा मलेसियामै छिन्।
रेफ्रीहरुलाई विदाइ संघका सचिव अभिषेक कार्की तथा कोषाधक्ष अनुप कपालीले गरेका छन्l यसअघि भएको फेन्सिङ कन्फेडेरेसन अफ एशियाको रेफ्री परीक्षामा सहभागी भएर काठमाडौँका अभिषेक कार्की, अनुप कपाली तथा अलिशा अधिकारीले अन्तर्राष्ट्रिय रेफ्रीको दर्जा पाइसकेका छन् l
अन्तर्राष्ट्रिय रेफ्रीको संख्या बढेसंगै देशको खेल स्तरको पनि विकास हुँदै जाने संघका महासचिव सुजनलाल श्रेष्ठले जानकारी दिएl त्यसैगरी परीक्षामा सफल नतिजा हासिल गरेर आउन तीनै जनालाइ संघका अध्यक्ष सुनिलकुमार श्रेष्ठले शुभाकामना दिए।
