थाइल्यान्डमा भएको सियम कप जिउ-जित्सु प्रतियोगिताको उपाधि नेपाली खेलाडी डिविज पियाले जितेका छन्।
मार्सल आर्ट्स विधाको खेल जिउ-जित्सुको स्वर्ण जित्ने क्रममा पियाले लेवनान र भियतनामका खेलाडीलाई पराजित गरेका थिए।
यस्तै उनले थाइल्यान्डका दुई खेलाडीलाई पनि पाखा लगाए। मलेसिया, अमेरिका र सिंगापुरका खेलाडीमाथि पनि जित निकालेपछि उनले स्वर्त जितेका थिए।
यसअघि गत जनावरीमा पनि उनले भारतको गोवामा भएको प्रतियोगिता स्वर्ण जितेका थिए।
पिया नेपालको खेलाडी मात्र नभएर प्रशिक्षक पनि हुन्।
उनको पियाको लक एन्ड रोल क्लबमा विगत दुई वर्षदेखि विशेष प्रशिक्षणमा रहेका रविन्द्र धातले गत जेठमा भारतको मध्यप्रदेशमा भएको 'फाइट अफ दि नाइट टुर्नामेन्ट' मा जित निकालेका थिए।
