विश्व कीर्तिमानी रकममा बार्सिलोनाबाट फ्रेन्च क्लब पेरिस सेन्ट जर्मन (पिएसजी) मा अनुबन्धित भएका ब्राजिलका सुपरस्टार नेइमारले आफ्नो डेब्यु खेलमै गोल गरेका छन्।
उनले गुइनगाम्पविरुद्ध डेब्यु खेलमा क्लबका लागि ८२ मिनेटमा तेस्रो गोल गरेका थिए। पिएसजी ३–० ले विजयी भएको थियो। २५ वर्षीय नेइमारले दोस्रो गोलका लागि इडिन्सन काभानीलाई गोलको मौका पनि जुराएका थिए।
पिएसजी नेइमारसँगै काभानी र एञ्जल डि मारियालाई अग्रपंक्तिमा बोकेर मैदानमा उत्रिँएको थियो।
‘मानिसहरु मैले बार्सिलोना छोडेपछि म समाप्त भएको सोचेका थिए, यसको उल्टो भयो,’ नेइमारले खेलपछि प्रतिक्रिया दिए।
