इंग्लिस प्रिमियर लिगमा आर्सनलले सहज जित निकालेको छ।
इमिरेट्स स्टेडियममा गएराति आर्सनलले नटिंघम फरेस्टलाई ३-० गोलको सहज जित निकालेको हो।
आर्सनलको जितमा बुकायो शाका, थोमस पार्टे र इथन न्वानेरीले गोल गरे।
शाकाले १५ मिनेटमै गोल गरेर आर्सनललाई सुरुवाती अग्रता दिलाएका थिए। पार्टेले ५२ मिनेट र न्वानेरीले ८६ मिनेटमा गोल गरेपछि आर्सनल ३-० ले विजयी भएको हो।
१२ खेलबाट २२ अंक जोडेको आर्सनल तालिकाको चौथो स्थानमा छ। नटिंघम फरेस्ट १९ अंकसहित सातौं स्थानमा छ।
