म्यानचेस्टर युनाइटेडलाई हराउँदै चेल्सीले एफए कपको उपाधि जितेको छ।
शनिबार राति वेम्बलीमा भएको एफए कपको फाइनलमा म्यान्चेष्टर युनाइटेडलाई १–० ले हराउँदै चेल्सीले आठौं पटक एफए कप जितेको हो। चेल्सीको जितमा इडेन हाजार्डले २२ औं मिनेटमा पेनाल्टीमार्फत गरेको गोल नै खेलको निर्णायक बनेको थियो ।
फिल जोन्सले पेनाल्टी बक्समा फाउल हानेपछि चेल्सीले पेनाल्टी पाएको थियो।
गएको सिजन प्रिमियर लिगको उपाधि जितेको चेल्सी यो सिजन प्रिमियर लिगमा खराब अवस्थामा रह्यो तर उसले एफए कपको उपाधि उचालेर सिजन पूरै खाली हात हुनबाट भने जोगियो ।
अघिल्लो वर्षको फाइनलमा आर्सनलसँग पराजित चेल्सीले यसपटक उपाधि जितेको हो।
प्रिमियर लिगको यो सिजन टोलीले पाँचौं स्थानमा अन्त्य गरेको थियो ।
