४५ लाख ६३ हजार रुपैयाँ बराबरको सुनसहित एक जना पक्राउ परेका छन्।
चन्द्रागिरि नगरपालिका-२ नागढुंगास्थित चेकप्वाइन्टबाट प्रहरीले एक जनालाई सुनसहित पक्राउ गरेको जिल्ला प्रहरी परिसर काठमाडौंका एसपी अपिलराज बोहराले जानकारी दिए। उनलाई प्रहरीले बिहीबार पक्राउ गरेको हो।
काकडभिट्टाबाट काठमाडौं आउँदै गरेको बा.प्र. ०३-००१ ख ३१३९ नम्बरको बसलाई प्रहरी प्रभाग नागढुंगा र लागुऔषध नियन्त्रण ब्युरोको शाखा कार्यालयको संयुक्त टोलीले जाँच गरेको थियो।
उक्त बसमा भारतका ३१ वर्षीय महादेव सामन्तलाई पक्राउ गरेको हो। उनीबाट प्रहरीले ४५ लाख ६३ हजार ८२६ रुपैयाँ बराबरको २७४.८३ ग्राम सुन बरामद गरेको छ।
उनीमाथि थप अनुसन्धानका लागि त्रिभुवन विमानस्थल भन्सार कार्यालय गौचरमा पठाएको छ।
