नेपाली सेना र भारतीय सेनाका सैनिकहरूले कञ्चनजंघा हिमालको आरोहण गरेका छन्।
सोमबार नेपाली सेनाको हेडक्वार्टरमा आयोजित ‘फ्ल्याग-इन’ कार्यक्रममा कञ्चनजंघाको आरोहण गरेका १५ जना सैनिकलाई सम्मान गरिएको हो।
नेपाली सेनाका १० जना र भारतीय सेनाका पाँच जनाले आरोहण गरेका हुन्। उनीहरू हिमाल आरोहण गरी फर्किएपछि सोमबार रक्षामन्त्री मानविर राईलाई झण्डा हस्तान्तरण गरेका थिए।
भारतको नयाँ दिल्लीबाट अप्रिल १४ मा फ्ल्याग अफ अर्थात् प्रस्थान गरेका थिए। उनीहरूले मे १९/२०मा कञ्चनजंघा हिमालको आरोहण गरेका हुन्।
आरोहण गरी उनीहरू केही दिनअघि काठमाडौं फर्किएका हुन्।
