उच्च अदालत पाटनमा दुई वर्ष नाघेका मुद्दा शून्यमा झरेको छ।
बिहीबार अदालतले पत्रकारहरूसँग अन्तर्क्रिया गर्दै दुई वर्ष नाघेका मुद्दाको संख्या शून्यमा झरेको जानकारी दिएको हो।
२०८१/८२ आर्थिक वर्षमा दुई वर्ष नाघेका ४०७ वटा मुद्दालाई फर्छ्यौट गरेको हो। उच्च अदालत पाटनमा पहिलो पटक दुई वर्ष नाघेका मुद्दा शून्यमा आएको हो।
अहिले उच्च अदालतमा फर्छ्यौट हुन बाँकी रहेका मुद्दाहरूमध्ये १८ महिना नाघेका मुद्दाहरू २२ वटा छन्।
गत आर्थिक वर्षमा ५ हजार १६२ वटा मुद्दा फर्छ्यौट नभई जिम्मेवारी सरेको थियो। यस आर्थिक वर्षमा मात्रै ११ हजार ८४५ वटा नयाँ मुद्दा दर्ता भएका थिए।
अदालतले यो वर्ष ११ हजार ३२३ वटा मुद्दा फर्छ्यौट गर्ने लक्ष्य लिएको थियो। यो वर्षका कुल ५ हजार ७७३ वटा मुद्दा फर्छ्यौट हुन बाँकी छन्।
अघिल्लो आर्थिक वर्ष २०८०/८१ को तुलनामा यस वर्ष १७१८ वटा अर्थात् १६.९६ प्रतिशत बढी नयाँ मुद्दा दर्ता भएको पनि उच्च अदालत पाटनले जनाएको छ।
अघिल्लो आर्थिक वर्षको तुलनामा १२३२ वटा बढी मुद्दा पनि फर्छ्यौट भएको अदालतले जानकारी दिएको छ।
-1719204978.jpg)
-1746009348.jpg)
