बुद्ध एयरको सिस्टममा पहुँच पुर्याएर टिकट जारी गरेको आरोपमा प्रहरीले दुई जनालाई पक्राउ गरेको छ।
काठमाडौं उपत्यका अपराध अनुसन्धान कार्यालयले आइतबार दुई जनालाई पक्राउ गरेको एसपी काजीकुमार आचार्यले जानकारी दिए।
पक्राउ पर्नेमा मोरङ घर भई काठमाडौंको तारकेश्वर नगरपालिका-९ बस्ने ४५ वर्षीय विकास भारतीय र गोरखा घर भई तारकेश्वर-४ बस्ने ३७ वर्षीय बाबुराम अधिकारी छन्।
उनीहरूले बुद्ध एयरको प्रणालीमा पहुँच पुर्याएर टिकटहरू जारी गरेको आरोप छ।
उनीहरूमाथि प्रहरीले विद्युतीय (इलेक्ट्रोनिक) कारोबार ऐन, २०६३ अन्तर्गतको कसुरमा थप अनुसन्धान अघि बढाएको छ।
अनुसन्धान गर्न दुबैलाई जिल्ला प्रहरी परिसर काठमाडौंमा पठाएको छ।
-1746009348.jpg)
