नेकपा (माओवादी केन्द्र) को आह्वानमा सत्तारूढ नेपाली कांग्रेस र नेकपा (एमाले) बाहेकका दलहरू छलफलमा जुटेका छन्।
माओवादी केन्द्रका अध्यक्ष पुष्पकमल दाहाल 'प्रचण्ड' को आह्वानमा माओवादी केन्द्रको संसदीय दल कार्यालय सिंहदरबारमा बुधबार अपराह्न बैठक बसेको हो।
बैठकमा माओवादी, रास्वपा, राप्रपा, एकीकृत समाजवादी, जनमतलगायत दलका नेताहरू सहभागी छन्।
बैठकमा निर्वाचन आयोगले साउन २२ गतेसम्म सुझाव दिन भनी राजनीतिक दलहरूलाई पठाएको ‘राजनीतिक दल स्वमूल्यांकन कार्यविधि २०८२’ बारे छलफल गर्ने एजेन्डा छ।
अध्यक्ष प्रचण्डको सचिवालयका अनुसार संसदमा रहेका कांग्रेस र एमाले बाहेकका दलका नेता तथा संसदीय दलका नेताहरूको बैठक राखिएको हो।
निर्वाचन आयोगले ‘राजनीतिक दल स्वमूल्याङ्कन कार्यविधि २०८२’ ल्याएको छ भने यसमा सुझाव दिन राजनीतिक दल लगायतलाई आग्रह गरेको छ।
उक्त कार्यविधिमा दलको स्वमूल्याङ्कन प्रणालीको सञ्चालन र रेखदेख गर्न एक मूल्यांकन समिति रहने उल्लेख छ।
आयोगले राजनीतिक दलको आन्तरिक कार्यविधिलाई व्यवस्थित गर्दै कामकारबाहीलाई पारदर्शी र जिम्मेवार बनाउनका लागि दल आफैले आफ्नो मूल्याङ्कन गर्ने पद्धतिको विकास गर्न संस्थागत प्रबन्धको लागि कार्यविधि बनाएको हो।
कार्यविधि मस्यौदा उपर निर्वाचन आयोगमा दल दर्ता कायम रहेका राजनीतिक दलहरू, सरोकारवाला, विषय विज्ञ तथा सर्बसाधारणले साउन २२ गतेभित्र सुझाव दिन सक्ने आयोगले जनाएको छ।
[email protected] मा आफ्नो राय सुझाव दिन पनि आयोगले आग्रह गरेको छ।
यस्तो छ आयोगले तयार पारेको कार्यविधि;
-1746009348.jpg)
