नेपाल नागरिक उड्डयन प्राधिकरणले हेलिकप्टरको नयाँ भाडदर सार्वजनिक गरेको छ। २०७२ सालमा संस्कृति पर्यटन तथा नागरिक उड्डयन मन्त्रालयले तय गरेको भाडादरमा केही घटाएर नेपाली नागरिकका लागि नयाँ भाडादर तय गरिएको जानकारी दिएको छ।
एएस३५०बी सिरिजका हेलिकप्टरको भाडा यसअघि प्रति घण्टा १ हजार पाँच सय अमेरिकी डलर रहेकोमा अहिले त्यसलाई घटाएर १ हजार २ सय अमेरिकी डलर कायम गरिएको प्राधिकरणले जानकारी दिएको छ।
महामारीको समयमा नेपाली नागरिकलाई सहुलियत होस भनेर भाडा घटाउन निर्देशन यसअघि दिएको छ।
भाडा घटे पनि कोरोना संक्रमित बिरामी बोक्नका लागि भने प्रति उडान थप १ लाख रुपैयाँ लाग्ने छ। हेलिकप्टर सेवाप्रदायकहरुले बिरामीका लागि मेडिकल टिम तथा उपकरणको व्यवस्था तैनाथ राख्नुपर्ने भएकाले अतिरिक्त शुल्क आवश्यक हुने बताउँदै आएका छन्।
प्राधिकरणले हेलिकप्टर आवश्यक भएमा सिधै कम्पनीमा सम्पर्क गर्न भनेको छ। कुनै पनि बिचौलियासँग सम्पर्क नगर्न सचेत गराएको छ।
हेलिकप्टरको सिधा सम्पर्क नम्बर:
१ अल्टिच्युड एयर: ९८०१२४९९१७/९८०१२९९०७/०१४४८९३००
२ हेली एभरेष्ट: ९८४१५५७५०९/९८१३२४०१३९/०१४११३०६६
३ कैलाश हेलिकप्टर: ९८५१०३००१३/९८५११२९२५४/०१५९००५०१
४ मनाङ्ग एयर: ९८०११८०४६२/९८०११८०४६३/०१४४८८०१६
५ श्री एयरलाइन्स: ९८५१०२६१९७/९८०२३०००२३/९८५१०१२५०५
६ सिम्रिक एयर: ९८५१०१०६९६/९८५१०१०६९८/०१४१५५३४०
-1746009348.jpg)
