दूरसञ्चार सेवाप्रदायक एनसेलले कोभिड-१९ हटलाइन सेवा सुरु गरेको छ।
२४ सै घण्टा सञ्चालन हुने यो सेवामा कुनै पनि व्यक्तीले निशुल्क परामर्श लिनसक्ने छन्। कोरोना सम्बन्धि चासो तथा जिज्ञासा भएमा देशभरबाट परामर्श लिन सकिने छ।
यो सेवाका लागि एनसेलले धुलिखेल अस्पतालसँग सहकार्य गरेको छ। तोकिएको फोन नम्बरमा फोन गरेर अस्पतालको विशेष समूहले दैनिक रुपमा विशेषज्ञ परामर्श सेवा दिने छ।
एनसेलले यो सेवा कोरोनाको पहिलो लहरमा पनि सुरु गरेको थियो। दोस्रो लहरको संक्रमण बढ्दै गएपछि फेरि सेवा सुरु गरिएको हो।
यो सेवा लिनका लागि हटलाइन नम्बर ९८०५५५४५०० मा फोन गर्नुपर्ने छ।
कोरोना संक्रमित भएर घरमै बसेका बिरामीहरुले यसबाट उच्चतम लाभ लिने एनसेलको विश्वास छ।
-1746009348.jpg)
