नेपाल राष्ट्र बैंकले आर्थिक वर्ष २०८२/८३ को बजेट अघि आफ्नो समीक्षा प्रतिवेदन अर्थ मन्त्रालयलाई बुझाएको छ।
बुधबार कायम मुकायम गभर्नर डा. निलम ढुंगाना तिम्सिनाले उपप्रधानमन्त्री तथा अर्थमन्त्री विष्णुप्रसाद पौडेललाई यो प्रतिवेदन हस्तान्तरण गरेकी हुन्।
तिम्सिनाले देशका थुप्रै ठाउँमा पुगेर अध्ययन, सरोकारवालासँग छलफल गरेर यो प्रतिवेदन तयार पारेको बताइन्।
प्रतिवेदनमा आर्थिक अवस्था, मौद्रिक नीतिको प्रभाव तथा आउन सक्ने चुनौतीहरूको विश्लेषण समेटिएको छ।
अर्थमन्त्री पौडेलले यो प्रतिवेदनले आगामी बजेट बनाउन ठूलो सुझाव दिने तथा नीतिगत निर्णयमा सहयोग पुग्ने बताए।
राष्ट्र बैंकले हरेक वर्ष बजेट अघि यस्तो समीक्षा प्रतिवेदनमार्फत सरकारलाई सुझाव दिने गर्छ, जसले आर्थिक नीति तथा बजेटको प्राथमिकता तय गर्न मद्दत गर्छ।
