आइतबार बजार बन्द हुने समयमा बढेर नेप्से परिसूचक २५ सय विन्दु माथि आएको छ। बजार बन्द हुने समयमा नेप्से परिसूचक ५.१९ अंकले बढेर २५०९ विन्दुमा आइपुगेको हो।
तिहारअघि कात्तिक दुई गतेपनि नेप्से अन्तिम समयमा २५ सयको विन्दुमा नै रहेर बन्द भएको थियो।
बजार बढेपनि कारोबार रकम भने बढ्न सकेको छैन। यस आइतबार दुई अर्ब ६६ करोड रूपैयाँको कारोबार भएको छ। यसअघि दुई अर्ब ७९ करोड रूपैयाँको कारोबार भएको थियो।
केही दिनदेखि कारोबार रकम तीन अर्बभन्दा कम हुन थालेको छ। कारोबार रकम घट्दै जान थालेको हो। यसअघि दैनिक पाँच अर्बदेखि १२ अर्ब रूपैयाँसम्म कारोबार भइरहेको थियो।
आइतबार तीन सय १३ लगानी उपकरण कारोबारमा आउँदा एक सय २४ वटाको मूल्य बढेको छ। एक सय ७७ वटाको मूल्य घटेको छ भने बाँकीको स्थिर छ।
कारोबारमा आएकामध्ये जीवन बीमा, उत्पादनमुलक, निर्जीवन बीमा, ‘अन्य’ र व्यापारमुलक समूह बढेका छन्। यी समूहगत परिसूचक ०.०८ प्रतिशतदेखि ३.०५ प्रतिशतसम्म बढेका छन्।
सिद्धार्थ बैंकको २०८९ सम्मको अवधि भएको १०.७५ प्रतिशत ब्याज दिने ऋणपत्रको मूल्य सबैभन्दा धेरै १० प्रतिशतले बढेर सर्किट ब्रेक लागेको छ। यो ऋणपत्रको प्रतिइकाइ मूल्य एक हजार तीन सय ४७ रूपैयाँ छ।
यो ऋणपत्र आइतबार सर्वाधिक कारोबार हुनेमा दोस्रोमा परेको छ। २३ करोड ६४ लाख रूपैयाँ बराबरको यो ऋणपत्रका इकाइको कारोबार भएको हो।
तारा गाँउ होटल (हायात होटल) को सेयर मूल्य सबैभन्दा धेरै ७.१६ प्रतिशतले घटेर सात सय ३९ रूपैयाँमा कारोबार भइरहेको छ। होटल अनिश्चितकालको लागि बन्द भएपछि मूल्य उच्चले घटेको हो।
होटलले जारी गरेको सूचनाअनुसार भदौ २३ र २४ गते आन्दोलनका क्रममा होटल परिसरमा तोडफोड र आगजनी हुँदा संरचना र उपकरणमा ठूलो क्षति पुगेको हो।
सुरक्षा जोखिम र मर्मत–पुनर्निर्माणको आवश्यकता देखिएकाले होटलको सम्पूर्ण व्यवसायिक सेवा बन्द गरिएको होटलले जनाएको छ।
नेपाल पुनर्बीमाको सबैभन्दा धेरै रकमको सेयर कारोबार भएको छ। नेपाल पुनर्बीमाको ३२ करोड ४९ लाख रूपैयाँको सेयर किनबेच भएको हो।
-copy-1761394385.jpg)
-1756446574.jpg)
-1746009348.jpg)
