तीन कम्पनीले लाभांश घोषणा गरेको जानकारी बिहीबार नेपाल स्टक एक्सचेन्जलाई गराएका छन्।
नेपाल ल्युब आयल, अरूण भ्याली हाइड्रोपावर कम्पनी र मुक्तिनाथ विकास बैंकले लाभांश घोषणा गरेका हुन्।
नेपाल ल्युब आयलको बुधबार साँझ बसेको सञ्चालक समितिको बैठकले २० प्रतिशत बोनस र कर प्रयोजनको लागि १.०५ प्रतिशत नगद लाभांशको घोषणा गरेको छ।
कम्पनीले यसअघि नै एक बराबर २ अनुपातमा हकप्रद सेयर समेत दिने घोषणा गरेको थियो। असोज ११ गतेसम्म कम्पनीको सेयर स्वामित्व हुनेले लाभांश पाउने भएको छ। कम्पनीले असोज १२ गतेदेखि असोज ३१ गतेसम्म बुक क्लोज मिति घोषणा गरेको छ।
त्यस्तै अरूण भ्यालीको बुधबार विहान बसेको सञ्चालक समितिको बैठकले आठ प्रतिशत बोनस सेयर र कर प्रयोजनको लागि ०.४२१ प्रतिशत नगद लाभांशको घोषणा गरेको छ। कम्पनीको लाभांश प्रस्ताव साधारण सभामा पेश हुन बाँकी छ।
त्यसैगरी मुक्तिनाथ विकास बैंकको भदौ ३१ गते साँझ बसेको सञ्चालक समितिको बैठकले लाभांश प्रस्ताव गरेको छ। समितिले १३.५३ प्रतिशत बोनस सेयर र ४.६७ प्रतिशत नगद लाभांश दिने भएको हो। बैंकको लाभांश प्रस्ताव राष्ट्र बैंकबाट स्वीकृत र साधारण सभाबाट पारित हुन बाँकी छ।
-1758107792.jpg)
-1746513231.jpg)
-1746009348.jpg)
