ग्रीन भेन्चर्स लिमिटेडले कालीगण्डकी गर्ज हाइड्रोपावर प्रालिको ५१ प्रतिशत संस्थापक सेयर किन्ने भएको छ।
दुवै कम्पनीबीच भदौ १० गते सेयर खरिद सम्झौता सम्पन्न भएको हो।
कालीगण्डकी गर्ज हाइड्रोपावरले मुस्ताङ र म्याग्दी जिल्लामा एक सय ८० मेगावाट क्षमताको अर्धजलाशययुक्त (पीकिङ रन अफ द रिभर) प्रकारको आयोजना निर्माण गरिरहेको छ।
आयोजनाको कुल अनुमानित लागत ३९ अर्ब ५० करोड रूपैयाँ छ। यो आयोजना ७५ प्रतिशत ऋण र २५ प्रतिशत सेयर लगानी तथा स्वपुँजीबाट बनाइने भएको हो। आयोजना निर्धारित समयमै सम्पन्न गर्न लक्ष्मी सनराइज बैंकको नेतत्वमा विभिन्न बैंकको सहवित्तीयकरणमा आवश्यक वित्तीय व्यवस्थापन भइसकेको छ।
कम्पनीले ऊर्जा उत्पादनमार्फत देशको दीर्घकालीन ऊर्जा आवश्यकतामा टेवा पुर्याउने विश्वास व्यक्त गरेको छ।
-1746009348.jpg)
