नेपालको वैदेशिक सम्पत्ति (विदेशबाट पाउनुपर्ने रकम) र दायित्व (विदेशलाई तिर्नुपर्ने ऋण) बीचको अन्तर बढेको छ।
यसलाई खुद वैदेशिक सम्पत्ति र दायित्वको स्थिति पनि भनिन्छ।
नेपाल राष्ट्र बैंकका अनुसार २०८२ असार मसान्तसम्ममा नेपालको कुल वैदेशिक सम्पत्ति २९ खर्ब २९ अर्ब ६९ करोड रुपैयाँ पुगेको छ। यसको अर्थ, विदेशमा नेपालले लगानी गरेको वा पाउनुपर्ने रकमको मूल्य यति छ।
त्यसैगरी, नेपालको कुल वैदेशिक दायित्व २१ खर्ब ४६ अर्ब ४३ करोड रुपैयाँ रहेको छ। यो भनेको नेपालले विदेशलाई तिर्नुपर्ने ऋण वा दायित्व हो।
यी दुई रकमको हिसाब गर्दा, नेपालसँग अहिले ७ खर्ब ८३ अर्ब २६ करोड रुपैयाँको खुद वैदेशिक सम्पत्ति बचतमा छ। यसको मतलब नेपालले विदेशबाट पाउनुपर्ने सम्पत्ति तिर्नुपर्ने दायित्वभन्दा धेरै छ।
गत वर्ष, २०८१ असार मसान्तमा भने यो बचत ३ खर्ब ५ अर्ब ८४ करोड रुपैयाँ मात्र थियो। यसबाट के देखिन्छ भने, एक वर्षको अवधिमा नेपालको खुद वैदेशिक सम्पत्तिको अवस्था झनै बलियो भएको छ।
-1756118929.jpeg)
-1746009348.jpg)
