स्वस्तिक लघुवित्त वित्तीय संस्थाले सर्वसाधारणका लागि साउन ३० गतेदेखि आइपिओ बिक्री खुला गर्ने भएको छ।
कम्पनीले पहिलो चरणमा वैदेशिक रोजगारीमा रहेका नेपालीहरूका लागि निष्कासन गरेको आइपिओ बाँडफाँट गरेपछि अब सर्वसाधारणका लागि निष्कासन गर्न लागेको हो।
लघुवित्तले जारी पुँजीको ४० प्रतिशतले हुन आउने २ करोड ३१ लाख रूपैयाँ बराबरको २ लाख ३१ हजार कित्ता आइपिओ निष्कासन गर्ने अनुमति पाएको थियो।
सोमध्ये पहिलो चरणमा लघुवित्तले १ हजार १५५ कित्ता सेयर कर्मचारीहरूका लागि ११ हजार ५५० कित्ता सेयर सामूहिक लगानी कोषका लागि २३ हजार १०० कित्ता सेयर विदेशमा रोजगारी गरिरहेका नेपालीहरूका लागि निष्कासन गरेको थियो।
दोस्रो चरणमा कम्पनीले सर्वसाधारण लगानीकर्ताका लागि प्रतिकित्ता १०० रूपैयाँ अंकित मूल्यका १ करोड ९५ लाख १९ हजार ५०० रूपैयाँ बराबरको १ लाख ९५ हजार १९५ कित्ता सेयर निष्कासन गर्न लागेको हो।
उक्त आइपिओमा भदौ ३ गतेसम्म आवेदन दिन सकिन्छ। सो अवधिसम्म सम्पूर्ण कित्ताका लागि आवेदन नपरेमा आवेदन अवधि भदौ १३ गतेसम्म लम्बिनेछ।
आइपिओमा न्यूनतम १० कित्ताका लागि आवेदन दिनु पर्नेछ भने अधिकतममा ५ हजार कित्ताका लागि आवेदन दिन सकिनेछ।
कम्पनीले इक्रा नेपालले लघुवित्तलाई 'इक्रा एनपी इस्युअर रेटिङ बी एटदरेट' प्रदान गरेको छ। यसले लघुवित्तको समयमा वित्तीय दायित्व पूण गर्न सक्ने अवस्थामा उच्च जोखिम रहेको जनाउँछ।
लघुवित्तको धितोपत्र निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ।
लगानीकर्ताले नेपाल धितोपत्र बोर्डबाट अनुमति लिई आस्बा सेवामा सहभागी बैंक तथा वित्तीय संस्थाहरूबाट सी–आस्बा प्रणालीमार्फत आवेदन दिन सक्नेछन्।
-1755241369.jpg)
-1746009348.jpg)
