मंगलबार नेप्से परिसूचक उच्च अंकले घटेको छ।
नेप्से ४१.३५ अंकले घटेर २८३४ विन्दुमा बन्द भएको छ।
यसदिन कारोबार रकम भने अघिल्लो दिनको तुलनामा घटेको छ।
सोमबार १० अर्ब ८२ करोड रूपैयाँको कारोबार भएकोमा मंगलबार नौ अर्ब ३३ करोड रूपैयाँको कारोबार भएको छ।
अघिल्लो दिनको तुलनामा कारोबार रकममा एक अर्ब ४९ करोड रूपैयाँ कमी आएको हो।
आज ३२५ वटा धितोपत्रको दुई करोड २२ लाख सात हजार १४२ कित्ता सेयर किनबेच भएको हो।
मंगलबार ४६ कम्पनीको सेयर मूल्य बढेको छ भने २०४ वटाको घटेको छ।
यसदिन समाज र उन्नति सहकार्य लघुवित्तको मूल्य सर्वाधिक १० प्रतिशतका दरले छ।
उक्त कम्पनीको प्रतिकित्ता मूल्य क्रमशः दुई हजार ७४८ रूपैयाँ २० पैसा र दुई हजार ४९३ रूपैयाँ ४० पैसा पुगेको छ।
थ्री स्टार हाइड्रोपावरको मूल्य सर्वाधिक १० प्रतिशतले घटेर प्रतिकित्ता मूल्य ८८१ रूपैयाँ १० पैसामा झरेको छ।
यसैगरी, ट्रेड टावरको मूल्य ७.३५ प्रतिशतले घटेर प्रतिकित्ता मूल्य ९५७ रूपैयाँ २७ पैसा कायम भएको छ।
मंगलबार हिमालयन रिइन्स्योरेन्सको सर्वाधिक कारोबार भएको छ।
यो मूल्य अघिल्लो दिनको तुलनामा ४.०२ प्रतिशत घटेको हो।
कम्पनीको प्रतिकित्ता एक हजार चार रूपैयाँमा ३९ करोड २८ लाख रूपैयाँको सेयर कारोबार भएको छ।
सर्वाधिक सेयर खरिद–बिक्री हुने दोस्रो कम्पनीमा ट्रेड टावर रहेको छ। उक्त कम्पनीको प्रतिकित्ता ९६१ रूपैयाँमा ३७ करोड बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये माइक्रोफाइनान्स र म्युचुअल फण्ड समूहको परिसूचक बढेको छ भने ११ समूहको परिसूचक घटेको छ।
यसदिन अन्य समूहको परिसूचक सर्वाधिक २.७६ प्रतिशतले घटेको छ।
-1746009348.jpg)
