बिवाइडी गाडीको नेपालका लागि आधिकारिक वितरक साइमेक्स इंक प्रालिले 'एक्सचेन्ज फेस्ट' आयोजना गर्ने भएको छ।
पाँच दिनसम्म चल्ने उक्त मेला माघ ९ गतेदेखि १३ गतेसम्म आयोजना हुन लागेको हो।
एक्सचेन्ज कार्यक्रममा ग्राहकले आफूसँग भएको जुनसुकै ब्रान्डको पुरानो गाडीसँग बिवाइडीको नयाँ इभी साट्न सक्नेछन्।
यसरी एक्सचेन्ज गर्दा ग्राहकले उत्कृष्ट मूल्यांकनको साथै एक्सचेन्ज बोनस, लोयल्टी बोनस, निःशुल्क प्रिमियम एसोसरिज र निःशुल्क चार्जर जडानको सुविधा पाउनेछन्।
कार्यक्रम काठमाडौं उपत्यकाका पाँच स्थानसहित बुटवल, भैरहवा, इटहरी, विर्तामोड, जनकपुर, वीरगञ्ज, पोखरा, बनेपा, नेपालगञ्ज र नारायणघाटमा अयोजना हुनेछ।
एक्सचेन्ज फेस्टमा सहभागी भएर ग्राहकले पुरानो गाडीसँग बिवाइडीको एट्टो३, डल्फिन र एम६ जस्ता इभी एक्सचेन्ज गर्न सक्नेछन्।
बिवाइडी नेपाली बजारमा धेरै बिक्री हुने मध्ये एक ब्रान्ड हो।
नेपाली बजारमा यसको एट्टो३, डल्फिन र एम६ मोडल निकै लोकप्रिय मानिन्छन्।
