शुक्रबार रिलिजको तयारीमा रहेको फिल्म हसिना पार्करलाई अदालतमा मुद्दा लागेको छ। फिल्म रिलिज हुनु १ दिन अगाडी यस फिल्मको लगानीको जाँच शुरु भएको छ।
अपूर्व लाखियाको फिल्म हसिना पार्कर अन्डवर्ल्ड दाउद इब्राहिमको बहिनीको जीवनीमा आधारीत छ। फिल्ममा अभिनेत्री श्रद्दा कपुरले हसिनाको भूमिका निर्वाह गरेकी छन् भने उनको भाई पनि यस फिल्ममा छन्।
हालै हसीना पार्करको घरबाट उनको भाई इकबाल कासकर गिरफ्तार भएका छन्। इकबाल कासकर दाउद इब्राहिमका भाई हुन्। केही दिन अगाडी जवरजस्ती पैशा असल्ने एक मुद्दामा प्रहरीले उनलाई पक्राउ गरेको हो।
यस फिल्मलाई लिएर श्रद्दा कपुर निकै उत्साहित छिन्। हसिना पार्करमा श्रद्दा र सिदान्तको अलावा अंकुर भाटिमा पनि छन्। फिल्मलाई नाहिद खानले स्विस इन्टरटेनमेन्टसँग मिलेर निर्माण गरेका हुन्।
२२ सेप्टेम्बर शुक्रबार फिल्म रिलिज हुनेछ। यस फिल्ममा हसिना बन्नको लागि श्रद्दाले आफ्नो तौल बढाउन प्रोस्थेटिक मेकअपको पनि प्रयोग गरेकी थिइन्। यो श्रद्दाको पहिलो बायोपिक फिल्म हो।
