नेपालमा बाढीले सयौंको ज्यान र हजारौंको घरमा क्षतिभएपछि सरकारसँगै नेपाली कलाकार पनि बाढीपीडितको राहतमा जुटेका थिए। उनीहरुले बाढीपीडितको राहत र उद्दार गर्न विभिन्न अभियान नै चलाएका थिए।
यसैगरि भारतको बिहारमा पनि भिषण बाढीले सयौंको मृत्यु र घरबार बगाएपछि बलिउड कलाकारहरुले उनीहरुको राहतको लागि विभिन्न अभियान चलाएका छन्।
बलिउड अभिनेता आमिर खानले बिहारमा आएको बाढीपीडितको राहतको मद्धतको लागि मुख्यमन्त्री राहत कोषमा योगदान गर्न अपिल गरेका छन्।
उनले आफ्नो फिल्म 'सिक्रेट सुपरस्टार'को एक प्रचार कार्यक्रममा बाढीपीडितको राहतको लागि यस्तो अपील गरेका हुन्। आमिरले प्राकृतिक प्रकोप आफ्नो वसमा नभएको तर त्यसको स्थितिको सुधारको लागि आफुले आफ्नो ठाउँबाट योगदान दिन सक्ने बताएका थिए।
उनले भनेको छन्,‘म हाम्रो देशको सबै नागरिकसँग बिहारको मुख्यमन्त्री विपद राहत कोषमा योगदान गर्न अपील गर्छु, यसले हाम्रो सरकारलाई पनि स्थितिको सुधार गर्न मद्दत पुग्नेछ’।
यसअघि आमिरले आफ्नो ट्वीटबाट एक भिडियो अपलोड गर्दै बाढीपीडितको लागि मद्दत गर्न अपिल गरेका थिए।
