बलिउड अभिनेता नवाजुद्दिन सिद्दकीका अनुसार अहिलेको समयमा उनी अभिनय गरेवापत सबैभन्दा धेरै पारिश्रमिक लिने कलाकार हुन्। एक समाचार च्यानललाई दिएको अन्तर्वार्तामा उनले अभिनयको सवालमा आफु सबैभन्दा धेरै पारिश्रमिक लिने कलाकार भएको बताएका थिए ।
उनले न्तर्वार्तामा आफुले मोल तोक्नै नपर्ने गरि निर्माताले दिन सुरु गरेको बताए। उनले हलिउड फिल्म खेलेमात्र ठुलो कलाकार मान्ने प्रवृति नराम्रो भएको बताउँदै आफ्नो कला र सृजनालाई सम्मान गर्नुपर्ने बताए।
सिद्दकीले भारतमा पनि निकै राम्रो फिल्म बन्न लागेको बताउँदै भारतीयले त्यसमाथि गर्व गर्नुपर्ने बताए।
कालो वर्णको कारण कला क्षेत्रमा निकै संर्घष गर्नुपरेको सिद्दकीले अहिले बलिउडमा आफ्नो अभिनयको कारण बलियो स्थान बनाइसकेका छन्। अहिले हरेक निर्माताको रोजाइमा पर्ने कलाकारमध्ये उनी पनि एक हुन्।
