सामाजिक सञ्जालमा हिजोआज बलिउड अभिनेत्री दिपीका पादुकोन र अभिनेता रनवीर सिंहबीचको चुम्बन गरेको तस्वीर भाइरल बनेको छ। सन् २०१५ मा एक म्यागेजिनक लागि गरिएको फोटोसुटको क्रममा लिइएको यो तस्वीर एक फ्यानले सामाजिक सञ्जालमा पोष्ट गरेपछि अहिले भाइरल बनेको हो।
'ब्लैक एण्ड ह्वाइट' तस्वीरमा दिपीका र रनवीर एक अर्कालाई चुम्बन गरिरहेका छन्। फ्यानले यो तस्वीर पोष्ट गर्दै क्याप्सनमा लेखेका छन्, ‘ यो फोटो देखेर म भित्रैबाट पग्लिएको छु’।
तर यो तस्वीरको सत्यता भने अर्कै छ। तस्वीर पोस्ट गर्ने बेला वास्तविक तस्वीरलाई धमिलो बनाइएको छ।
यो भाइरल तस्वीरबारे अहिलेसम्म दिपीका र रनवीरले केही बोलेका छैनन्। उनीहरु अहिले फिल्म 'पद्यमावती'को शुटिङमा व्यस्त छन्।
लामो समयदेखि प्रेम सम्बन्धमा रहेका यो जोडीको यो तस्वीरमा धेरै फ्यानहरुले राम्रो जोडी भन्दै कमेन्ट गरेका छन्।
