फिल्म ‘बाहुबली’बाट निकै लोकप्रियता कमाएका अभिनेता प्रभाषसँग फिल्म खेल्न सबै कलाकारहरु अहिले लालयित छन्।
प्रभाषको फिल्म ’बाहुबली २’ सँगै उनको अर्को फिल्म ‘साहु’को टीजर सार्वजनिक भएको थियो। साहुमा प्रभाषसँग जोडीको रुपमा खेल्ने अभिनेत्रीको खोजी पछिल्लो दिनमा निकै भएको थियो । तर अब निर्माण पक्षको खोजी सकिएको छ।
अब प्रभाषसँग अभिनेत्री श्रद्दा कपुरले खेल्ने पक्का भएको छ। फिल्ममा बाहुबलीकै अभिनेत्री अनुष्का शेट्टीलाई राख्ने भनिएपनि अन्तिममा श्रद्दाको नाम फाइनल भएको छ।
खबरका अनुसार अनुष्काको मोटो ज्यानको कारण फिल्म श्रद्दाको पोल्टामा गएको हो।
अब श्रद्दाले प्रभाषसँग फिल्ममा रोमान्स गर्नेछिन्। भारतीय सञ्चारमाध्यम मुम्बई मिररसँग कुरा गर्दै फिल्मका निर्माताले श्रद्दा नै फिल्ममा प्रभाषको जोडी बन्ने पक्का भएको बताएका थिए।
साहु प्रभाषको पहिलो हिन्दी फिल्म हो। उनले फिल्मको शुटिङ पनि सुरु गरिसकेको निर्माताले बताएका छन्।
