पछिल्लो समय बलिउड अभिनेत्री अनन्या पाण्डे वेब सिरिज 'कल मी बे' लाई लिएर चर्चामा छिन्।
उनी आफ्नो प्रेम जीवनलाई लिएर पनि चर्चामा आइरन्छिन्। उनले दुई वर्षसम्म अभिनेता आदित्य राय कपूरसँग डेट गरेकी थिइन्। तर केही महिनाअघि उनीहरूको ब्रेकअप भयो। केही समयअघि उनी पूर्व मोडल वाकर ब्लान्कोको प्रेममा परेको खबर बाहिरिएको थियो।
वाकर ब्लान्कोसँग प्रेममा रहेको कुरा अनन्याले स्वीकार गरेकी थिइनन्। हालै वाकरले अनन्याको जन्मदिनमा एक पोस्ट सेयर गर्दै प्रेम सम्बन्धमा रहेको संकेत दिएका छन्।
बुधबार अनन्याले आफ्नो २६ औं जन्मदिन मनाएकी छन्। वाकरले अनन्यालाई जन्मदिनको शुभकामना दिदै लेखेका छन्, 'ह्याप्पी बर्थडे ब्यूटीफुल.. तिमी निकै खास छौं। आइ लभ यु अन्नी।’
वाकर शिकागोमा बस्छन्। उनको र अनन्याको भेट अनन्त अम्बानी र राधिका मर्चेन्टको दोस्रो प्रि-वेडिङमा भएको थियो।
उनीहरू छिट्टै साथी भए। त्यसपछि उनीहरूले एक अर्कालाई डेट गर्न थालेका हुन्। बम्बे टाइम्सका अनुसार अनन्त अम्बानीको विवाहमा अनन्याले वाकरलाई आफ्नो पार्टनरको रूपमा परिचित गराएकी थिइन्। उनीहरूले विवाहमा रोमान्टिक गीतमा डान्स समेत गरेका थिए।
